感激既說話真係講幾多都唔夠！在此再次多謝大家既厚愛！！
我全部擺晒響心架喇！同埋多謝一大班潛水友浦頭啦 haha~
喂你班友潛得耐。發晒水。間唔中都上水抖抖呀。知嘛?！ ^^
哇！做咩成2星期無寫卜架?！(扮矇先！xD)
快D寫左呢7日L.A. 同 San Diego Trip先！其他再慢慢追啦 haha~
其實今次去玩都係無啦啦決定。主要係因為上次禧哥去完話好玩。
禧媽又話好岩呔細。本身諗住7月中去。但weak7請唔到假。
為左避開放暑假既人潮。我地就拿拿聲去左先喇！！
因為有卜友同我講黎緊會去L.A.玩。想跟下我行程。
所以我盡量寫詳細D。比大家多D資料~
其他卜友有小朋友既都可以plan下去Legoland玩。
因為真係超正！勁大！我朋友話馬來西亞果個好細。我未去過。
不過如果你地黎開呢頭。唔去Disney既話。去Legoland都係唔錯既選擇~
香港卜友知道L.A.係洛杉機。而San Diego聖地牙哥 就係響L.A.附近。
大約個半鐘車程。我都係第1次去。果度出名有Legoland。
同埋San Diego Zoo / Safari Zoo / SeaWorld等~
都算多野玩架！但我地今次只係去左Legoland。
因為我對仔同我地2公婆都比較異常。
我地一個地方可以玩好耐。我地係慢慢玩慢慢睇果種。
有朋友話Legoland無咩玩。下? 我地玩足4日都唔夠喎！
所以真係人人唔同。我自己就覺得超多野玩同睇。
呔細唔多鐘意坐rides。佢地唔係每個ride都會坐。都已經可以去足4日。
第5日係因為返左L.A.酒店。唔想渣返S.D.所以先無再去。
否則去足5日我都唔覺悶架！哈哈~ 我地係由D仔玩到盡果隻。
同得佢地去玩。我地又唔怕累既~
我地上網買Ticket。大人107 細路97。呢個價錢買到連續5日Pass架喇！
但要上legoland.com買。當場買呢個價錢只係for 1日Pass架咋！
所以上網買就抵好多！
另外酒店方面。我就響 expedia.com買。因呔細有敏感。
我要求係乾淨。睇左幾晚D Review。就落定左幾間酒店。
都係D人話超乾淨既！咁多人話好。應該唔會踩架喇！哈！
好啦！出發啦~~~~~~
星期日晨早6點出發。其實係想零晨3點。驚塞車。
不過有大有細。遲係正常~哈~~~
我老公堅呀！一人渣左6個半鐘落L.A.。
我話幫手渣架！佢唔比。其實係佢自己鐘意渣車囉！嘻！
2隻野訓到5點左右醒左。可能知去玩。太興奮訓唔返。
之後中途訓左少少添。。
爸爸畫手套波解悶。哈！解仔悶~
呔仔V晒~ 之前喊架！我衰囉。
無啦啦講話第2日先去Legoland。佢唔開心。
我tum左佢幾耐呀！佢以為而家去緊Legoland。
我唔想佢到時失望丫嘛。點知…. ^^
佢地又OK喎！坐6個幾鐘車。中間訓左個零鐘。
無嘈。自己睇下書畫下公仔。同埋主要佢地2個好鐘意吹水。
成程響後面自己講自己笑。我同weak7聽到佢地D對話好正！
2個近就呢度好。真係有伴。岩傾唔會悶~
沿路風光。。
圓呔個阿媽。圓茄~
晨光好刺眼。。
渣到好悶的5號大直路公路。。
呢Part有牛場定豬場。非常臭。。
好彩。我訓左。呵呵~~~~~~
訓醒。嘻~
細細有型呀！專登買左副超比佢。
佢揀左Batman。嘻！
哥哥就因為大面。只可戴無公仔的款~
唔制架初時。不過爸爸話似特警。佢就好開心喇又~ lol
到第1間酒店喇~~~
總共book左3間。呢間住1晚。聽日落S.D.住3晚。
再返L.A.住另一間多一晚(最後果間留多左1晚，即共2晚)
呢間響Rowland Heights附近。間Hotel一般。但房就超乾淨。
不過我地住完最後果間。下次都係會再住果間。因為呢間雖好。
但無泳池的~ 呢間叫 "Comfort Suites La Puente，La Puente"
我比130蚊一晚~ 佢海鮮架價架。唔同日期唔同價錢~
無聊自拍。。
酒店裝修一般。但間房有細廳。幾靚架~
條友唔知發左瘟。猛話要攬老婆。
唉是但啦！wakakakakkaka~
細細又擦面！細時已經試過成面凡士林~
呢隻野一比成支佢。梗係成面捽 XDDD
老公抖左陣回回渣長途車既氣。呔細睇卡通~
出門去搵食~
黎左間叫"香港茶餐廳"既地方。踩左！
雖係卜友介紹。但唔關佢地事既！
我諗佢地都唔知難食左咁多。否則都唔會介紹啦~
所以大家唔需要介懷。有心分享已係最好既心意~ ^^
呔仔細細而家去到邊畫到邊。。
愈畫愈多公仔。好好呀~
仲逐樣野介紹比爸爸。。
開心開心~~~
今日除左BB cream。仲擦左少少深灰眼同夾左睫毛。
好盡架喇。哈哈~ 眼係咪精神左呢?！
其實都唔係好大分別丫。 老公話睇唔慣喎！
叫我唔好擦眼影….. -_-"""
踩左！
唔緊要喎！唔踩左又點知踩左呢?！ XDDD
熱到呢~~~
喂咩PO黎架? 一樣既??
去到鳳城。呔仔揀甜品~
呢期細細鐘意我叫佢做"小喊喊"喎！
大家知點解啦！成日慘喊！哼~
之後哥哥話細佬要叫"小壞壞" 或者 "小衰衰"！
細細一聽到哥哥咁話佢。就會喊架喇！正一戲子！！！
Wakakaka….有無咁好味呀???
呢度D糕正呀！I like芝麻呀綠茶同紫米布甸~
陽光小男孩。。
之後去左Torrance區一間叫Mitsuwa既日本超市買零食。。
入面有書店同food court。聽聞野幾好食。不過我地未餓 ^^
睇公仔書。。
攪笑縮膊細細。。
呔話要食bubble gum。我費事又反佢。
去到先用第2樣野引開佢。哈哈~
2隻野盡情執~
正呀！買左好多。因聽聞S.D.果邊好荒蕪。。
父子。。
母子。。
好鐘意呢張。無聊爸爸喱埋嚇仔。。XD
哇正呀！勁好味呀呢隻！！
之前咪話呔失望唔係去緊Legoland。
我就話會同佢去反斗城睇下有無玩具減價。
諾言一定要守。不過佢一直睇唔岩。無買~
呢樣幾好。佢唔會亂買玩具。
我地不嬲唔係會求其買一樣滿足左佢就算。
真係鐘意先會買。同埋最重要係。減價 XDDD
渣返車返酒店附近2隻野訓左。
其實我地都累了。買外賣吧~
有卜友介紹。超正海南雞飯。好味！
又買左D甜品。。
諗住去呢間買刺身飯。9點半打去無人聽。
見YELP話佢今晚收10點。直接渣車去。點知真係無開喎！
唔緊要啦。食少少當減肥。哈~
2隻野醒左食飯。。
Savoy既法式燉蛋超正呀！
香滑。最重要係唔甜~ 大愛~~~
Day 1就係咁喇。聽日去L.A.囉~~~