好喇！上回講到。究竟細細做左D咩令爸爸咁既衰樣呢?！
答案響以下2幅圖可以搵得到。。
By the way，”雪地開臺野餐”當正自己屋企。呢招實在太爆！
差在未帶埋副麻雀響度打返8圈。哈哈！
登登！無錯喇！見唔見細細淨返一隻鞋！！
條友仔差鬼左隻腳入雪。好深。又唔等我救佢。
自己夾硬抽返隻腳出黎時。隻鞋就甩左響雪入面。。
哇！咁厚雪點搵呀?? @@
對鞋仲要新買比佢。第1次著 -_-“
唔理喇。開餐先！爸爸預備左熱烘烘茄汁焗豆送麵包~
果日有太陽。其實幾熱。呔仔玩到標晒汗。。
家的溫暖 xDDD
小仔唔敢出聲。密密食 hahahh
食完呔仔去玩。細細無鞋無得玩。爸爸努力搜尋中。。
見條友搵左咁耐。唉！都係要我出手架喇。。
基本上我一行埋去鏟左2下。已經見到隻鞋。。
運仔既野。真係…… wakakakkakaaka
得啦老公！你好好照顧我。我都會好好照住你架喇！
搵返隻鞋。但埋雪咁耐。結晒冰lu……
之後爸爸入廁所幫細細同暖風吹返乾隻鞋。細細又可以自由活動了。。
第一站。拉我去廁所。。
D雪厚到呢。每踩一步都到膝頭哥。好累呀。。
望到呢D相。真係好舒服。好平靜。。
佢地整滑雪道。我就四圍行影相。。
好想行入D。但又怕失足佢地要救我 @@
都係響度hea下算喇~
舖滿雪既樹真係好靚~
話咁快有得玩喇~
呔仔好笑。佢鐘意做整野果個。不停鏟鏟鏟~
爸爸叫佢試SIR。佢用呢招！！
爸爸不停改良。。
老豆鏟雪。仔享福~
依隻野自己響度四圍”不”靚雪~
去囉~~~~~~~~~~~~~~~~~~~~~
我地繼續玩。老公就去左bow滾水~
終於實現左我地好耐無做過既事。雪地食杯麵！
下次我希望挑戰雪地打邊爐！！hahhahahah
2個等食既小子。。
太陽就落山了。陰陰地。。
等麵果3分鐘。我地趁天仲光。快D影返張相先！
大肥佬呢期成日問我做咩會結婚同生佢出黎。
我就話好鐘意佢啦。想生佢出黎狂攬狂錫。
佢好似好鐘意聽。而家成日要我講~ xDDD
佢點睇。都係一個慈祥既婆婆。。
凍到咁食熱湯麵。太滋味了。。
真係滋味成咁?！
滿足的樣子。。
係咪睇自己個仔。咩樣都咁吸引架呢?！Hohoho~~~
迫大家一齊睇咁多細細。係有D變態既。。
PAN返去佢2父子度 >>
細細 “爸爸你估下我有D咩?”
“臭屁囉~~~”
“唔係呀！再估啦~！！”
“係凍柑呀~！！哈哈哈~~~~~”
“凍呀呢~！ Kekeekekeee”
點解條友食極仲有? 因為我比左我半杯佢。。
6歲喇。仲係咩都圓形。。
食慢D。感覺上會多D。。
呢個壺超正！又快又滾！
我地食麵期間。有一家人行左入黎。。
佢地既小朋友見到咁多野玩。第一時間衝埋去。。
父母得到我地同意後。佢地就玩得好開心喇~
呔細有問過點解佢地玩我地D野既?
我地反問佢地。如果你係呢2個小朋友。黎到雪地無帶玩具。
身邊既小朋友肯同你分享。比佢地既玩具你玩。
你會唔會好開心呢? 甚至乎大家一齊玩。係咪仲有樂趣呢?
佢地諗一諗。點點頭。就由小朋友玩佢地D玩具喇~
其實佢地係驚自己鐘意既車比人拎走左。所以有時會望下。哈！
一收太陽。開始凍喇。。
比左一半細細。我連老公食剩既都唔放過。。
廁所好大。好乾淨~
即變凍啡。。
只時”滋陰細細”猛話走。凍到條友仔唔願郁。。
我同佢上車換褲開暖氣。呔仔想玩多陣。爸爸陪。。
話想響度砌雪人。。
無人雪山。都幾寒架！
自己都夠膽。以前一定跟出跟入。真係大個仔喇。。
砌唔到雪人。雪太粉喇~
走lu~ 好開心既一日~~
5點幾完全入黑。得返零下幾度。凍到爆炸。。
我快快手整理呔仔。即上返車取暖。。
哇！9點出門。12點左右到。玩到成6點 @@
勁！！
大滿足啦！不過行左成日雪腳都軟埋。。
(完)