2月14。元宵情人節

大婆終於復活了！！！

今日3月2喇。自從我部大牛龜出煙之後。

我就靠weak7部電腦渡日。可能8字唔夾。

成日用用下就彈舊唔知咩出黎話no responding..之類。

又慢喎！！！

最嚴重既係我完全入唔到去edit個卜。

攪到我日日入黎睇下唔得又去左bow劇。

成套"奮斗"都睇完喇 XDDD

係。本人自戀上文章D北京腔後。愛上左大陸劇。

唔好噓我。堅係好睇！ xD

至於"星星"。由於我明知自己會沉迷。

亦假假地叫做養病之中。

唔敢開始睇。等聽日照肺個REPORT出左。

無事先睇啦 hahaha (兩者有咩關係??)

好喇！話說呢篇情人節卜已經出完又出。

都未打到字。相係2月中upload既~

雖然過晒氣。但睇返D相。又幾開心既~haha~

果朝起身原來老公請左日假無返工。

諗住同我一齊送仔後。就2人世界食早餐~

響學校收到呔仔同細細整比我地既情人節卡。

勁 lum 呀我！唔知老公係咪呢?? 呵~~~

本身諗住去海邊食。點知渣到去好大霧。

都睇唔到海景。不如去飯堂算 ^^

就係響渣車途中！wakakakka

我無意中揭穿左weak7一早準備既surprise呀！！

好好笑囉。我隨手拎起支果茶飲。佢大驚。

衝口而出話 "唔好飲呀！"

hahaha 咩料呀???

原來收埋左份禮物響樽蓋入面。嚇Q到我丫~

好心明知個老婆咁為食。

有得飲就飲。有得食就食架啦！XD

 

原來個樽底仲收埋舊野喎！

真係估你唔到喎！下次咪咁早擺響樹丫嘛~

我老公就係鐘意整埋晒D咁野。 haha~

有人問我係咪次次都會估佢點surprise我。

其實無架！佢成日話無買野。我次次都信架！

唔知點解我覺得佢係講真架喎！XD

飯堂開11點。我地行下等下~

由於我覺得佢真係無買野。所以我都真係無買野比佢喎！

Hahahah 唔係呀其實。條友好煩架！

我次次買親D佢講過話鐘意既野。我買左佢就唔鐘意架喇~

所以我都講到明。為免走多轉。我同佢一齊去買 xD

跟左呢條戍利之後。我近墨者黑。

覺得呢度就算食足10年。都無咩問題 @@

好喇！坐底慢慢研究下先！！

響樽底收埋D咩呢~?

拆拆拆。原來係隻介指！

係隻介指同手鏈charm呀！

多謝老公啜啜啜~~~

2人世界話咁快就完結。12點半又湊仔放學。。

老公想買對Jordan。我地陪佢四圍搵~

2隻野自顧自玩~

細細渣住條痴痴野四圍fling~

哥哥就玩降落傘E.T.~

爸爸好忙地試鞋。。

不過呢間無佢碼 xD

係幾型喎！一於今日陪你搵啦！！

2個平時好少陪Shopping ^^

就係咁。搵晒附近既商場。全部無碼！

haha 正常。我老公D命運係咁架嘛~ ^^

為左令老公唔好咁失望(雖然幫唔到d咩) 。

買左2件衫比佢頂住檔。叫做情人節有禮物收。唔好咁慘 XD

之後犀利喇！！

第2朝返工。佢竟然響公司附近間Foot Locker買到！

恭喜晒~

而最值得恭喜既。係佢竟然親身去Nordstrom

訂到我已經放棄左既限量版TOMS。仲要減緊價！

哇！太醒目了！太驚喜了！！太好彩了！！！

~以下係何生既"Making Of"~

雖然情人節過左好耐。都祝大家日日都係情人節啦！

 

 

 

 

 

 

 

 

 

 

 

 

 

 

 

 

 

 

 

 

 

 

 

 

測試?@@?