大阪Day8。白濱海舟

好喇琴晚講到我地去完Adventure World。呔仔訓左。

我地搭車去酒店check in啦~

大約5點零鐘。天黑齊咁滯了。。

今次呢間酒店。係新井太太幫我地訂既。

原本我地 budget大約4萬yen左右。

之後睇睇下。話不如比多1萬訂"海舟"啦。

佢話之前住過好正！^^

入住後PO相先知。都幾多"識嘆"朋友住過呢間。

同埋早我地少少去既Jacky同老婆都不約而同住呢間喎！@@

因此我相信呢間都應該係好野黎~

搭巴士響 "草原之湯"呢個站落車。。

上到房又攪笑喎！到細細訓。呔仔就醒左~

既然係咁。爸爸響房睇細細。我同呔落去浸下溫泉先！嘻嘻~

呔仔興奮又緊張。因為唔知溫泉係咩黎。我同佢講去玩水。。

間房幾靚呀。爸爸無聊四圍影。。

露台有個大木箱。可以開水浸浴。。

我地既房匙。。

 

等埋細細起身。我地就落樓晚餐喇。。

呔細衝走左。。

呢間野充滿情調。岩情侶黎多d。哈哈~

我地一早book左魚餐同和牛餐。我相信係好傳統既日本晚餐。

小碟小碟十分精緻既菜式。完全唔係weak7杯茶。

我諗當時佢好掛住佢個牛肉烏冬 hahaha…

對我黎講就幾新奇。但都唔係我杯茶。

我諗我地2公婆都不是上菜。唔係好識欣賞呢D貴格唔飽野~哈~~

當晚餐單。。

我地個餐名。。

老公仲要唔食魚生。益晒我。。

自磨wasabi。細細好奇~

和牛小鍋。老公話zip牙隙都唔夠。wakakakak~

我既魚鍋。。

Cheers~~~

反而係佢地覺得小碟小碟好得意。好開心~

2個霸住我地D甜品。。

有杏仁豆腐又有巨蜂雪葩。呔仔開心~

同爸爸分享~

食飽飽抖一抖。又落去浸溫泉。。

有3個私人的。可一家大細去浸。。

呔仔浸過知道係點。今次到細細興奮了~

仲幫手挽晒D藍~

響度換左鞋。就可以行落去。。

好可愛的小馬騮。。

行落去條路都幾驚架。哈哈~

夜麻麻有d草聲。果晚又毛毛雨。。

除晒衫落水。2個話太熱浸唔到喎！

結果我帶返佢地去"女湯"。即係頭先同呔浸果度~

爸爸就一個人慢慢嘆~~

大半個鐘後。大家響返更衣室等。。

細細聽到爸爸聲。去左男湯果邊搵爸爸。。

浸完溫泉食宵夜。晚上有免費拉麵。

大家都肚餓。一人啪左一碗~

覺覺豬lu~ 早抖喇~~~

第1日就係咁過 ^^